mavisisaac的部落格

踏入9月份，節目真係好豐富，幾乎每個星期六，日都有節目，加上今年要開始幫isaac仔揾幼稚園，就更忙上加忙，其實早前我已在網上揾了心儀學校既資 料，寫低哂開始報名日期，但大部分都要9月中先有得報或在網上取申請表，我唯有買定信封，郵票，預備定學生相，影印定出生證明，針卡，分好一份份，到時加 埋報名表就可以，不過大部分幼稚園都要求親身去學校報名表，我覺得真係幾煩，好彩我份工比較彈性，如果唔係真係要成日請假去交表。不過親身交表問題都不 大，我發現最大問題係好多學校既面試日竟然係同一天，而時間就係由學校安排，萬一唔好彩見同一時間或只相差1-2小時，真係唔知點趕好，到時唯有取 捨！><希望我唔會真係咁好彩啦！！！
上星期去左其中一間已報名的學校開放日，當天我同老公仔帶埋isaac仔去，呢間學校環境唔錯 架，又有小學，而且派位都幾好，所以都好多人報。當日學校安排左好多遊戲比小朋友玩，操場有跳彈床，車仔，各個班房有主題，如普通話唱遊，木偶戲，積木 室，室內遊樂場。天台仲有水，沙玩，Isaac仔都好投入。

玩水水
 
其實我同isaac仔去，係想比佢知道返學好多野玩，好開心，等佢體驗下。因依家在樓下返playgroup,佢仲係苦瓜干咁！！雖然已經比初初開學時好好多，但都仲有同我講唔返學囉，唔知幾時佢先會自己行入課室呢！！(等待中)
來 緊仲有幾間幼稚園要報，我都寫低日子，以防唔記得！原來做人家長真係唔易，好多野都要為子女預備，不過在呢個過程中，我體會了樣樣野都要親力親為，唔可以 得過且過，好似填報名表,本來認為好容易既事，我竟然攪左一粒鐘，點解！？就係其中有間幼稚園在張報名表上列左3條問題，我真係諗左好耐究竟要點寫，又要 答得唔好馬虎，但又唔可以答得咁假，最後我當然盡自己想法去寫啦！
係咪好想見識下呢3條問題呢?

1)你對孩子在幼稚園的學習生活有何期望？(期望佢唔好怕,開心囉)

話咁快Isaac仔都23個月大喇..下個月就2歲人仔.
係呢幾個月,Isaac仔講野越來越叻...咩都識講..
返學既老師都話佢好識表達自己.

不過返學仲係有喊,依家每星期返二,四.
要返學果日,個樣就好慘,唔駛返時,就極之開心.

前幾日同佢沖涼,Isaac仔突然由數字1數到10,
真係幾驚喜..等佢沖完涼換好衫,再叫佢講一次.
又即講wor..咁開心既時刻,緊係要錄低佢啦...^^

7月3日ISAAC仔終於要進入人生上學的階段,
雖然不是什麼正統學校,只是屋企附近上兩小時的寶寶班,
但都很開心喔! (我指我同ISAAC爸爸,因為可以將百厭星返學等老師教下佢守規舉)

去到學校ISAAC仔都無喊,自己走入去玩.
我地走時都無同佢講.係佢不知不覺下個個閃哂.
到佢發現唔見哂我地...就.........喊..要搵媽媽..

我隔了大約半小時回去學校看看,
老師就跟我講: 睇唔出佢咁嗲喎,你地一走佢就要搵媽媽喇.

其實成日都有人問我,
仲會唔會生多個,
當我答: 唔會啦!!
之後,d人就會話:生多個啦, 一個好悶架))))
唔識分享架!!
無可否認,生一個的確係會悶,
但如果有人同佢一起玩,就唔會啦.
加上isaac仔有表弟/表姐同佢玩.
就更加唔會悶.
依家每晚食完飯一得閒,我同老公仔都會帶佢去表姐家玩一陣.

好耐都無出街外食晚飯了,
上星期五婆婆公公要去飲,
諗住一家三口去食餐泰國野.

點知.....
isaac仔完全失控的,
一時又要落地,
一時又話要行出去睇野

isaac爸就要抱住佢周圍行,

小朋友好得意,
大大下就懂得爸爸/媽媽是最親近的人.
雖然isaac仔每日都要跟湊仔姨姨.
但佢始終都是最喜歡跟我們.
現在每朝早上他都不肯跟湊仔姨姨/叔叔,
好似隻樹熊般拑實我.一見湊仔姨姨/叔叔來接佢,
就會發脾氣,之後就要我抱住佢,怕我會放低佢.
結果起碼要將佢交比姨姨的程序起碼要15-20min.
原因是我一見佢不留意我,就即時閃走.

最近isaac仔去便便時,成日都叫..
因為便便硬..所以去便便時比較辛苦,

所以我專登去超市買乳酪比isaac仔食.
一來乳酪有乳酸菌,加強腸既蠕動.
二來乳酸含蛋白質,維他命和鈣，
能令這些營養更易被消化和吸收,
希望佢食完去得順暢d.

今次在超市見到呢隻乳酪同平時食既有點唔同

終於都要幫ISAAC仔搵學校讀N1班.
好多人都話..咁細個就返學?
其實我都唔想的,真係時世迫人.
因為太多家長緊張自己的小孩,
小孩都未夠歲數就已經報左學校.
有的未夠一歲已經要學校面試.
ISAAC仔現在先報..已經係遲左十世.
好多學校都只係排緊WAITING LIST.
有的學校已經截止.
而我選這間學校是因為近屋企,

唔經唔覺isaac仔已經17個月
日日見他進步真的很興奮
自從他學會行路後,我們成家人
就好像看牛牛般.,
他有時興奮過頭,他還會跑,.聽到喜歡的歌會跳舞
很好笑.

上星期六在湊仔姐姐家接他回家,
他與hayley姐姐玩得很開心.
影相又擺pose,又笑,很可愛

今日大年初一,祝大家龍年行大運,最緊要身體健康.
今年ISAAC仔終於自己收利是.仲好開心.
見到人派利是比佢.就係咁拎.拎完又拎,
唔執輸果隻.真係比佢笑死.
唔再係一舊飯咩都唔識喇.


ISAAC仔自己飲水..

Isaac仔14個月喇..依家除左識行外,

仲識好多野.有時叫佢做動作,

佢都會好明白咁做哂出來,

好似好識聽我地講野咁...好攪笑.

不過依家開始有自己脾氣,

有時一唔鐘意就會發爛渣,

加上佢仲未識講野,成日ee..呀呀..

係咁講BABY話.有時真係要估佢想要D咩.

不過我發現佢都幾識表達自己的.

好開心,isaac仔終於在12個月零27日識行了,
雖然唔係行得很穩,但都是一個新開始.
身為媽媽的我見到他一天天進步,
心情真是超興奮.

現在isaac仔對樣樣事情都很好奇.
最鐘意就係拎住電視搖控器玩,
但佢又唔係只係拎住咁簡單,
又識得對住部電視按搖控器,
真係好似好識野.有時見佢想玩電制,