mavisisaac的部落格

話咁快到左11月,終於都要為之前報左名既幼稚園去面試,
上星期六就1日去左3間學校,真係攰到飛起.
早上7點就要起身,因為第一間要INTERVIEW既學校,
在灣仔愛群道呂部碧鳳幼稚園,而INTERVIEW時間係早上9:30,

一去到就見到一條人龍,原來真係好多小朋友都報考呢間學校.
入到學校,老師比左兩張寫上ISAAC仔名既LABEL紙我,1張要貼係ISAAC仔度,
另一張就貼係家長度,之後,就等叫名入課室.

等左一陣,老師就叫名入課室,叫我地坐低玩陣玩具先.
期間,我地對面有個小朋友INTERVIEW中,
等左一陣,有個老師行埋來同我地INTERVIEW,
佢一坐低,就跟ISAAC仔SAY HELLO.

ISAAC: HELLO
老師: 你叫咩名呀..
ISAAC: ISAAC.....(對眼無離開過D玩具)
老師: 喔..你叫ISAAC 呀..張FORM無寫,我唔知TIM..(因為我填FORM係寫中文名的)
   你幾多歲呀...
ISAAC: ..........(繼續玩檯上玩具)
老師: : (拎本書出來,指住D物件,問ISAAC仔D物件咩色)
ISAAC: 藍色..(明明係紅色)
老師: 指住隻香蕉問佢咩來
ISAAC: 香蕉
老師: 指住寫住MILK既杯問ISAAC咩來
ISAAC: 杯杯
老師: 指住圖問ISAAC仔咩來 (幅圖係個咀露齒)
ISAAC: 牙齒

之後ISAAC見對面個小朋友唔玩架車車,就走開,行去拎過來.
之後又同老師講..架車吊到好高 (因為果架係消防車,有條梯,可以吊)

老師: 佢係唔係岩岩先識講野.仲有好多BB話喎..
我: 唔係AR..佢識好耐啦..
老師: 平時邊個湊佢呀..
我: 湊仔姐姐同婆婆
老師: 如果得下午班會唔會考慮
我: 唔會..因想佢讀上午
老師: 唔緊要..我都係問下..

老師: 咁OK喇.,你過來拎份禮物啦..
ISAAC: 即時走過去拎..

成個過程都足足攪左成半粒鐘..話OK又唔算好OK
話唔得又唔係喎..不過我反而覺得呢間學校比較迫.
唔緊要啦..都係等天安排.

***************************************************

到第二間LU..就去左凌月仙幼稚園
位於西營盤高街口,校舍都幾大,
由於我地見11:30,我地早到左,
所以都在出面坐左陣.

睇下isaac仔套戰衣..hahaha

見佢坐唔定..比包熊仔餅佢食下..

今次都係只可以一位家長陪同,
呢個任務又落係我身上,因為爸爸都係要在
外邊等.

今次既INTERVIEW跟上一間有點唔同,
就係PLAYGROUP形式.1位老師負責講故事
而另一位老師就負責睇小朋友表現比分.

一開始就要做體操,ISAAC仔就企係度,
久唔久都郁下手腳,之後老師唱太陽伯伯,
佢就笑笑口喇..因為佢識...

做完體操,老師叫小朋友坐定定聽故事,
睇下小朋友既反應,其中故事書有點頁係要歇出來的,
就會叫小朋友幫手,ISAAC仔都有舉手.老師問佢歇出來既係咩?
佢都識答係紅蘿蔔同小白兔.

聽完故事,老師就每5個一組,比左頂帽同貼紙小朋友,
叫佢地貼,而老師就逐個小朋友問野.

老師: HELLO,你叫咩名呀!
ISAAC: ISAAC
老師: 邊個同你黎架?
ISAAC: 媽MI.....
老師: 你隻眼睛係邊?
ISAAC: 指自己眼睛
老師: 指住張大笨象貼紙,呢隻咩來?
ISAAC: 大笨象

基本上,ISAAC仔都答哂..之後老師又叫小朋友一齊再唱歌,
今次ISAAC仔好投入..因為又係唱太陽伯伯..
見完,老師就派份小禮物比ISAAC仔,就走得LU.

期間有D小插曲: 就係ISAAC仔隔離既小朋友,係咁郁來郁去,
又走出去老師度,(搗蛋果隻).
連佢爸爸都攪唔掂..老師問佢野,個爸爸竟然話,
佢咩都未識講架..只係識叫爸爸..老師都無奈.


當見完呢間學校,我覺得裡面既老師唔錯.
係有愛心果隻.而且感覺上環境都好好.

*************************************************************************

終於來到最後一間,就係寶血幼稚園
本身自己都幾鐘意間學校,一來KACY係度讀,
而且環境校舍都好好.

等車期間,肥仔爸爸做左isaac仔玩具..
係咁拎d貼紙痴佢,痴完仲笑好鬼咁開心

一去到,ISAAC仔都周圍玩,又SIR滑梯,
仲同我講: 媽咪,係度..唔走..,即係佢鐘意係度玩囉.

叫名入去LU,老師就叫我地在地墊玩陣玩具.
之後老師就走過來叫ISAAC仔.

老師: HI,HELLO
ISAAC: .........(繼續玩..唔理)
老師: 用積木整左架相機出來,就同ISAAC仔扮影相,
之後,就比ISAAC仔,叫ISAAC仔整返架相機出來影相
ISAAC: 即時笑咪咪..就整出來同我影..
老師: 不如我同你過果邊玩..(坐埋張檯度)
ISAAC: 好..(拖住老師)
老師: 指住ISAAC張接見証張相問呢個邊個
ISAAC: ISAAC
老師: ISAAC笑起上來隻眼好靚WOR..

老師:拎出籃玩具..(其實係用來考ISAAC既道具)
ISAAC: (一見到,即時搶個籃裡面既野)
老師: 比左個橙佢..問佢咩來.
ISAAC: 橙
老師: 拎個洋娃娃出來,問isaac邊度係眼晴
ISAAC: 指住洋娃娃對眼
老師: 你幫我拎個APPLE比媽咪
ISAAC: (即時拎比我)但對眼唔望住我
老師: 你要望住媽咪喎
ISAAC: 再做多次
老師: 拎左兩舊積木,叫ISAAC整返好
ISAAC: 即時整到.(.之後,isaac見到地墊既玩具好吸引,即時又走左去地墊玩)
老師: 原來都係地墊玩具吸引d,(就走過去同佢坐地下interview)

老師:平時邊個湊佢?
ISAAC: 湊仔姨姨同婆婆
老師: 佢都識幾多野喎,又好高大.原來9月仔仔..

老師: 好啦..ISAAC你過來,老師送野比你.
ISAAC: 即時走過去老師度..(CHEAP精)
老師: 拎左張THOMAS貼紙
ISAAC: 即時拎..
老師:唔係比成張..你簡一個..
ISAAC: 即時要左一個,之後話多謝老師
老師: 再比多包熊仔餅.
ISAAC: 好開心..(因為有野食..佢係為食精)

老師: 到時睇下公佈啦..BYE BYE..


見後感:
原來依家見幼稚園,真係一D都唔易.
兩歲既小朋友就要考咁多野.
年頭出世既都好D,佢岩岩兩歲,真係難度都幾高.
其實家長辛苦之餘,小朋友都好攰,
好似ISAAC咁,見到寶血後,已經攰到隻豬咁.
又成身大汗..連件戰衣都要除埋..hahaha..