mavisisaac的部落格

講開搵學校真係勁多苦水,
之前已經講過話好多學校都迫埋在呢個月開始報名.
點知連INTERVIEW日期都一樣咁制.
究竟係唔係約埋架..!!??

上星期去左間都心儀既學校交表格,
本來諗住去完,就可以再去另一間交埋.唔駛走兩轉啦.
點知坐左成粒鐘的士先去到,原因係平時唔多塞車既司徒拔道,
都塞到顛.結果去到都成11點.

終於去到學校,見到D人龍打哂蛇餅.就同ISAAC仔走去排隊先,
肥仔爸爸就去拎籌..點知肥仔爸爸返來...比我睇下個籌..
SHIT...2322...唔係卦...

真係灰過DEE DEE...係果度足足玩左成4粒鐘先交到張報名表.

其實只係收表,交報名費,約時間見姐..點解都要攪咁耐..係唔係呢間學校
行政有問題.一話係做勢..等比人感覺係好難入,好多人報呢?
可憐既ISAAC仔又要挨餓.因果度係無野食賣架..只係得幾部汽水機.
好彩校方可能見到太多小朋友喊,而實際上又真係太耐,就主動拎D
餅出來,叫D家長有需要就去拎,我當然即時拎定啦,
而ISAAC仔就飲左維他奶充饑囉..

有時係度諗,點解依家報幼稚園都要咁辛苦架.

來緊11月就係INTERVIEW月喇..我報既學校當中,
有幾間都係同一日,唯有見到就見囉..GOOD LUCK TO ME!!!