mavisisaac的部落格

轉眼間ISAAC仔都已經19個月大.
呢幾個月,他學識左好多野.
講野都好叻.而且我都幫佢決定左
在屋企樓下讀N1班.原因之前收佢果間學校
已經無上午班,如果要讀只可以是下午班.
考慮到他下午要午睡,所以都決定放棄.
況且我都打電話問過樓下間幼兒中心,
隨時都可以比ISAAC仔去返學,但我想佢
兩歲先開始,依家始終太細.

另外,我已經幫ISAAC仔轉左唔訓BB床.
轉為單人床了,佢依家日日都自己上床訓,
好鐘意自己張床.最攪笑係第一天訓到趺左
在地下.

 



佢最鐘意就係睇toys story,第一,二,三集,
睇到熟哂,日日都要睇過先開心.
簡直係中哂毒.之前楠舅父仔知佢鐘意buzzlight year.
就送左個比佢玩..

個樣拎住幾咁開心


但個buzzlight year玩唔夠幾日..已經....斷左個頭..><可憐


唉..不過細路仔玩野真係好快爛...
依家我成日都話佢整爛d野..

之前見佢前面d頭髮吉住對眼.
就幫佢剪左個西瓜頭...



點知剪完出來..好似妹妹呀..wahahahaha..
由於個頭太爆..都係要帶佢去髮型屋修修..
估唔到第一次去剪頭髮既isaac仔會咁乖喎,
仲要坐定定



剪完髮型師仲請佢食左粒棉花糖..^^
依家成個頭型仔哂..個個話佢似benny爸爸.
 



上星期母親節我地返左太和同奶奶食飯,
大伯同伯娘見到isaac仔都好開心.仲逗佢玩,
加上isaac仔好鐘意gigi家姐呀..成日都叫佢.超攪笑!!