終於都要幫ISAAC仔搵學校讀N1班.
好多人都話..咁細個就返學?
其實我都唔想的,真係時世迫人.
因為太多家長緊張自己的小孩,
小孩都未夠歲數就已經報左學校.
有的未夠一歲已經要學校面試.
ISAAC仔現在先報..已經係遲左十世.
好多學校都只係排緊WAITING LIST.
有的學校已經截止.
而我選這間學校是因為近屋企,
而且在網上報名就可以,完全
不需要親身取報名表格.既方便,又有效率..正.
當報完名就收到學校的電郵,約見上星期六早上面試.

去到學校,學校門口有個魚池.ISAAC仔已經好興奮.
因為佢最鐘意睇魚魚.之後就等老師叫名帶我地去
一間課室等接見.
入到課室裡面都有幾對家長及小朋友.
ISAAC仔都有小小怕陌生.
他要我陪他坐在一起.我就叫ISAAC仔玩檯上的玩具.
佢見到檯上既lego就砌砌砌..


跟住又拎本書比isaac爸一齊睇


玩左一陣,佢就warm up左..仲周圍搵其他小朋友玩
完全唔怕陌生.
見到其中有位小朋友居然仲訓緊教,
佢就好好奇走埋去睇..八卦到呢~~~~~



坐左大概15分鐘,老師就叫名入去另一個課室面試了.
由於只可以一位家長陪同入去.所以呢個責任又落係我身上,
isaac爸在出面等..哈哈..

入到另一個課室.isaac仔又繼續玩檯上既玩具.
手上仲拎住之前個課室既lego. (即係偷野...*p*)

面試老師來喇..

老師   : hello,
isaac仔: 5隻手指在檯上揮手..(咦..識同老師打招呼wor)
老師   : 不如我地玩呢個...(係個穿珠玩具來)
isaac仔: 拎起老師比佢既珠珠穿入去, 但穿唔到,擺低,再將面前既一籃珠倒哂出來
老師   : 唔可以倒出來喎..(然後,即時執返d珠珠入籃)
    再拎一個假蘋果 & 一隻假香蕉出來,你拎個蘋果比媽媽
isaac仔: 真係拎比我,之後拎返再一啖咬落去個假蘋果度.

之後,老師問我:
老師: 佢有無上過playgroup?

我    : 無呀..佢都係第一次面試

老師: 咁佢識講咩呢?

我    : 佢識講...係,唔係..爸爸,媽媽都識


突然,isaac仔無啦啦叫我媽媽..
老師: 係喎..真係識叫wor..好叻wor.

之後再拎粒頭先既珠珠比isaac仔穿落個玩具度.
isaac仔: 拎左老師手上粒珠珠,就一野穿左落去個玩具度..Perfect ^^

跟住老師就拎左本布既書比isaac仔.
裡面有隻布既兔公仔.然後話隻兔仔要
訓教,蓋被,叫佢將隻兔仔放在個袋裡面.
佢真係放入去.但因為個袋太細,佢入唔哂隻兔仔.
之後,就離開座位.要我拉佢坐回座位上.

之後老師再比過一個袋佢入兔仔,今次個袋大左d,
佢真係入到,老師叫佢放入d,佢又再放入d.完全岩哂.
點知一入完,佢就.......走出課室呀..))))))))))
一支箭走左出去,要由我同老師捉佢返入來.

入返來,老師又叫佢砌lego,將d lego砌高佢.
佢竟然拎個lego要我砌..oh my god..
家下你面試唔係我呀..衰仔..(呢句只係我心諗姐 ><)
我話: 你砌啦..你唔砌媽咪玩架喇
isaac仔: 即時手快快砌高哂.

此時,老師又問:
老師: 平時邊個湊佢架?
我    : (心諗: 唔係話我個仔daughty ma??) um..湊仔姐姐同婆婆

老師: 佢好叻wor..我地interview完架喇..我地會收佢,但依家得下午班,
  因上午班爆左,你到時收到信打來轉上午班啦...

我: 呆左一陣..哦..好好好..

isaac仔: 又想衝出去課室,比我捉住..再lur地...><

出返去..即時走啦...isaac仔仲走返轉頭唔肯走..
最後又係出動餅餅引誘佢先攪掂..

結論:
竟然..竟然...收左isaac仔..老師仲讚佢叻???真係不敢相信.
面試期間,佢又離開座位,又出走課室喎..
但佢又真係做哂老師要求佢既野.
仲要樣樣都識,又明..真係服左佢...
本來我都以為個個都係即時知收唔收.
原來唔係,同我一起面試既小朋友,都要等收信先知.
不過真係一個不錯既經驗,我又清楚我個仔既性格多點了.
佢真係一個坐唔定,又唔怕羞既小朋友.
isaac仔加油呀...

arrow
arrow
    文章標籤
    ISAAC
    全站熱搜

    mavisisaac 發表在 痞客邦 留言(0) 人氣()