講開搵學校真係勁多苦水,
之前已經講過話好多學校都迫埋在呢個月開始報名.
點知連INTERVIEW日期都一樣咁制.
究竟係唔係約埋架..!!??
上星期去左間都心儀既學校交表格,
本來諗住去完,就可以再去另一間交埋.唔駛走兩轉啦.
點知坐左成粒鐘的士先去到,原因係平時唔多塞車既司徒拔道,
都塞到顛.結果去到都成11點.
- Oct 26 Fri 2012 18:02
K1報名日
- Oct 26 Fri 2012 18:00
KACY表姐生日扮海盜
過完ISAAC媽生日,又到KACY表姐仔喇..
都話勁多人生日架啦...XDD
今年係KACY表姐仔5歲生日,
所以KACY媽咪專登整左個特別既生日會.
請左小醜哥哥整波波,玩遊戲.
而且每位出席既小朋友都要有造型既.
當日有公主,小仙子,連機械人都有喔.
個個都好靚仔靚女
- Oct 07 Sun 2012 17:59
十月生日月
今個十月真係節目多籮籮,
岩岩過完isaac仔2歲生日,
跟住個星期又到我自己生日喔..
今次專登走去book DISNEY 翠樂庭食BUFFET.
貪佢有廸士尼人物同ISAAC仔影相.加上問過評價,
呢間餐廳真係唔錯喔.當然價錢都唔平啦.
當天是星期日,平均要$500一個人左右,
如PRINT COUPON就減$50.岩岩補返加一條數.
- Oct 01 Mon 2012 17:53
第一件勞作
估唔到isaac仔係前個星期在學校拎左件作品返來,係個用紙做既兔仔燈籠
當 然個燈籠緊係唔係佢整啦,但兔仔上色就係佢,雖然出哂界,無藝術可言,一睇就知係亂油,但我真心覺得可愛,唔通仔仔做d咩,媽媽都覺得好?!答案當然係 啦!哈哈!原因唔係佢整燈籠,係可以見到仔仔一天天長大,一天天學懂多一些。唔怪得以前成日見到人地既小朋友整野送比媽媽,個媽媽咁開心啦,真係千金難 買!不過呢個燈籠都逃不過被整爛既命運,好彩我預先叫老公仔幫我影左相先,否則,連相都無!
其實isaac仔返左兩個幾月學都進步左,老師話佢講野好叻,
好識表達自己。雖然一入學校仲係苦瓜干,但轉頭就無野,坐定定聽故事。
我估佢都係炸嬌,想我地心軟,但見我地無反應走左,就乖乖返學!有時真係比佢笑死。
- Oct 01 Mon 2012 17:49
生日會
呢個9月份除左要幫isaac仔搵幼稚園,
仲有個節目,就係開生日會,係呢兩星期,
足足去左2個生日會, 1個係朋友仔晴晴既生日party,
另一個就係2010年9月bb生日會.
晴晴生日會係大坑上林會所舉行,
果度除左有遊樂場比小朋友玩,
主人家仲安排左小醜整波波比小朋友.
isaac仔當然唔執輸,足足叫小醜整左3個波波比佢.
又勁食.很興奮.
- Sep 29 Sat 2012 17:55
ISAAC仔2歲生日會 29-9-2012
今年好開心,因為ISAAC仔生日正是星期六,
加上接近中秋,國慶,所以連放4天假.
而我地都安排左ISAAC仔生日會.
今次既主題係巴斯光年,因為ISAAC仔真係愛到亞巴暈.
行街見有亞巴樣既野都要買.當然我緊係唔會樣樣買比佢啦.
為左令ISAAC仔在生日會度見到亞巴,我預先在淘寶網買左
汽球返來,又買左派對用品及小禮物.
有吹龍,生日帽,禮物袋,裝飾旗仔
- Sep 28 Fri 2012 17:48
報學校
踏入9月份,節目真係好豐富,幾乎每個星期六,日都有節目,加上今年要開始幫isaac仔揾幼稚園,就更忙上加忙,其實早前我已在網上揾了心儀學校既資 料,寫低哂開始報名日期,但大部分都要9月中先有得報或在網上取申請表,我唯有買定信封,郵票,預備定學生相,影印定出生證明,針卡,分好一份份,到時加 埋報名表就可以,不過大部分幼稚園都要求親身去學校報名表,我覺得真係幾煩,好彩我份工比較彈性,如果唔係真係要成日請假去交表。不過親身交表問題都不 大,我發現最大問題係好多學校既面試日竟然係同一天,而時間就係由學校安排,萬一唔好彩見同一時間或只相差1-2小時,真係唔知點趕好,到時唯有取 捨!><希望我唔會真係咁好彩啦!!!
上星期去左其中一間已報名的學校開放日,當天我同老公仔帶埋isaac仔去,呢間學校環境唔錯 架,又有小學,而且派位都幾好,所以都好多人報。當日學校安排左好多遊戲比小朋友玩,操場有跳彈床,車仔,各個班房有主題,如普通話唱遊,木偶戲,積木 室,室內遊樂場。天台仲有水,沙玩,Isaac仔都好投入。
玩水水
其實我同isaac仔去,係想比佢知道返學好多野玩,好開心,等佢體驗下。因依家在樓下返playgroup,佢仲係苦瓜干咁!!雖然已經比初初開學時好好多,但都仲有同我講唔返學囉,唔知幾時佢先會自己行入課室呢!!(等待中)
來 緊仲有幾間幼稚園要報,我都寫低日子,以防唔記得!原來做人家長真係唔易,好多野都要為子女預備,不過在呢個過程中,我體會了樣樣野都要親力親為,唔可以 得過且過,好似填報名表,本來認為好容易既事,我竟然攪左一粒鐘,點解!?就係其中有間幼稚園在張報名表上列左3條問題,我真係諗左好耐究竟要點寫,又要 答得唔好馬虎,但又唔可以答得咁假,最後我當然盡自己想法去寫啦!
係咪好想見識下呢3條問題呢?
1)你對孩子在幼稚園的學習生活有何期望?(期望佢唔好怕,開心囉)
- Sep 07 Fri 2012 17:44
FERMITIF RéVive Neck Renewal Cream
除了面部最易洩露年齡的秘密,仲有什麼部位呢? | ||||||||||||||||||||||||||||||||||
無錯…就是頸部,很多人說,如果在臉上看不到歲月的痕跡, | ||||||||||||||||||||||||||||||||||
看頸部吧,一條頸紋代表十年喔. | ||||||||||||||||||||||||||||||||||
其實都不無道理,大多女性只注意到保養臉部, | ||||||||||||||||||||||||||||||||||
希望險部不要皺紋出現,而往往忽略了頸部護理. | ||||||||||||||||||||||||||||||||||
MAVIS都一樣喔,每次都將面霜一併塗在頸上, | ||||||||||||||||||||||||||||||||||
認為這樣就能夠足夠保養頸部. 但為什麼塗了這麼久都有紋喔.. | ||||||||||||||||||||||||||||||||||
今天MAVIS的頸紋終於有救了, 因為MAVIS收到尊貴的FERMITIF RéVive Renewal Neck Cream SPF15 |
||||||||||||||||||||||||||||||||||
這罐FERMITIF RéVive Neck Renewal Cream含珍貴玫瑰精華, 味道清香,而且專利配方EGF表皮生長因子及緊膚因子等配方, 用後能夠撫平頸紋, 改善皺摺的情況,同時滋潤頸部肌膚,更具備SPF 15 功效,可抵禦日曬傷害,其主要成分EGF更於1986年榮獲諾貝爾生理學與醫學獎 |
||||||||||||||||||||||||||||||||||
|
- Sep 06 Thu 2012 17:42
一罐解決4大問題~Re-Gen Cream再生因子霜
今次MAVIS試用了英國製造的天然品牌Re-Gen Cream再生因子霜,
橙白色盒子包裝,望落都幾醒神喔.
拆開包裝盒,罐上列明英國製造,用得安心.
而且這罐Re-Gen Cream再生因子霜孕婦,嬰兒,小孩都適用.